POESIA: NO GH’É VITORIE

NO GH’É VITORIE
di Gipì

Scusème se ancò no go voja
de pensieri sereni,
de ciacole, de boresso,
se me lasso ciapar da strucacor:
sento parole brute,
sento parlar de guera…
e a mente, de l’ultima
me torna tuto l’oror.
 
I dir che la storia l’è maestra.
Sarà ‘nca vera.
Ma l’è na maestra strassa;
no la ‘nsegna gnente
ai potenti sucòni
che no capisse la gente.
 
Da na parte e da l’altra
se sente parlar de vitorie:
ci g’ha pì armi, ci g’ha pì armati…
Falsi tuti quanti;
falsi birbanti e mati!
 
No pol essar vitoria
‘n do pietà l’è morta.
 
Na guera no l’ha mai vinta nessun:
tanti che scrive sui libri,
de questa o de quela storia,
o i è disonesti fanfaroni
o no i g’ha memoria.
 
Con l’odio tuti saren de novo persi,
tuti tanto i sofrirà:
anca par na sola morte violenta
more l’Umanità!