EL NOSTRO MINISTRO DE LA GUERA
di Gipì
El Silvio baùco,
pì furbo de tuti,
se taca a la teta
de quei farabuti
che sensa rispeto
de lege e resòn
i vol far la guera
en ogni cantòn.
“Mi vago – lu ‘l dise –
col gran Merican:
bisogna far presto,
perdemo la man;
se scopia la guera
vinssemo con l’USA
e no con la gente
de testa confusa”.
El stesso discorso
l’ha fato quel duce
che, furbo, ciapava
da Hitler la luce:
l’ha scelto la guera
par no restar fora,
cossita l’Italia
l’ha messo in malora!