GrilloNews.it Testata on line indipendente
Opera che partecipa al Concorso solidal-umoristico-letterario nazionale «Léggere nel verde». Trovi il bando qui.
LESAR NEL VERDE…
Ballata vicentina
“Gino dame l’acordo,
sì cussì va ben…”
Voi dedicàr na balada
A Vicensa e ala gente vicentina…
Là dove dal Berico Monte
La Madona cuerse de cura e de bontà
la vita dela gente che vive in sta cità…
pàr ci gh’è nato e ci deventarà…
Vicensa, dove Romeo Montecio
g’à fato el so castel…
Dove Palladio g’à fato dei nobili palassi…
Vicensa là dove nela note scura
solo i gati, dei vicentini, g’à paura…
Ma in sti tempi
strane storie ghe sucede.
Du butei vicentini de contrada,
in un giorno de n’istà in declino
quando el sol el smorsa el so calor
e el se sposa co na bavesela
che te rinfresca el cor…
i lesea distesi sorà un prà
un libreto de storie,
forse d’amor…
Non so…
Quando na voçe cupa
de na guardia comunal
ghe sigà adosso “sa fasio qua?”
“savì che no se pol? Ch’el sindaco nol vol
bivacchi de foresti? “Bivacchi sa vol dir?”
“Nol fassa el mona iè 50 euro de multa…”
“El paga subito, lo fasso pal so ben…”
Penso a un poeta, na dona americana
che disea che “pàr far un prà
basta un fior, n’ape e un sogno,
el sogno bastarà se le api s’è poche…”
Me sa che pàr ste autorità
che vol dar sicuressa a ste cità,
gnanca el me sogno
el pol più bastàr…
Arturo Gabanizza (da Verona)